Zer-nolako ariketak egiten dira TRXn?
TRX modalitatean, hainbat ariketa egingo dituzu gorputzaren pisua erabiliz, eta, horrekin, goitik behera hobetuko duzu forma fisikoa. TRXk indar funtzionala garatzen eta oreka, malgutasuna eta egonkortasuna hobetzen lagunduko dizu.
Kirolkluben artikulu honetan, TRXri eta modalitate horretan egiten diren ariketei buruzko kontu gehiagoren berri emango dizugu. Jarraitu irakurtzen!
Zer da TRX?
Ezagutzen ez duzuenontzat, gorputzeko muskulatura osoa zintzilikaturik trebatzen duen erresistentzia-ariketa da TRX. Nylonezko zintak dira entrenamendu hauen elementu nagusia. Zinta erregulagarri horien mutur bat ainguraketa bati lotuta egoten da, eta beste muturrak oinetarako eta eskuetarako euskarri eta helduleku bereziak edukitzen ditu.
TRXn egiten diren ariketak
Diziplina honetan egiten diren ariketei ariketa funtzional esaten zaie. Muskulu-talde gehiago lantzen lagunduko digutela da ariketa funtzionalen abantaila nagusia: ariketa bakoitzean, mugimenduetan inplikatuta dauden muskulu guzti-guztiak lantzen dira. Ondoren, TRXn egiten diren ariketa batzuen inguruko xehetasun gehiago emango dizkizuegu.
Arraunketa zintzilik
TRXren ariketa honen bidez, muskulu-talde handia landuko dugu: bizkarra, bizepsak, sorbaldak eta abdomeneko muskuluak. Gorputza zenbat eta atzerago eraman, orduan eta biziagoa izango da ariketa.
Bizepsak
Ariketa batzuek (hala nola, bizepsen curlak, bizepsen esku bateko flexioak edo bizepsen curl gurutzatuak) bizepsak, trizepsak eta sorbaldak hobetzen lagunduko dizute. TRXren ariketa hauek egiteko, atzerantz bota beharko duzu gorputza, 45º-ko angelua eratu arte. Besoak guztiz luzaturik dauzkazunean, ukondoko flexioak egiten hasi beharko duzu.
Bular-pressa zintzilik
Bular-pressa zintzilik eginez, bularreko muskulatura nahiz trizepsak landuko dituzu. Ariketa osatzeko, ainguraketari (edo sabaiari) bizkarra emanda jarri beharko duzu. Besoak aurrerantz luzatuta egiten da ariketa. Hasierako jarreran gaudela, aurrerantz ereman beharko ditugu pektoralak, eta, ondoren, hasierako jarrerara ekarri.
Face Pull
TRXren ariketa hau zinez osoa da. Honekin, goiko gorputz-adarretako goialdea landuko duzu: deltoideak eta trapezioa, bereziki. Face pull delakoari edo goi-arraunketari esker, sorbalda indartsuak eta bizkar orekatua lortuko dituzu. Ariketa hau egiteko, berriro makurtu beharko duzu atzerantz, besoak luzatuta dituzula, eta flexioak egin, besoak sorbalden parean 45º-tan geratu arte.
Abdomen-uzkurdura zintzilik
TRXren ariketa honetan, heldulekuan jarriko ditugu oinak. Gero, lurrean bermatuko ditugu esku-ahurrak, besoekin lerrokatuta. Gorputza guztiz horizontal dugunean, ariketari ekingo diogu: belaunak bularrera eramango ditugu, eta hasierako jarrerara itzuliko gara.
Oinkadak, zintzilik
TRX lunge-ek edo oinkadek, ipurmasailak eta koadrizepsak lantzeaz gain, egonkortasuna eta oreka hobetuko dizkizute. Ariketa hau egiteko, hanka bat zintzilikatu beharko duzu, eta bermatzeko hanka tolestu. Behar bezala egiteko, bizkarra zuzen eduki beharko duzu, eta zintzilikatutako belaunarekin ez duzu lurra ukitu beharko. Hanka bat zintzilikatzean, aurreko hankan bilduko duzu potentzia guztia. Gainera, ariketa are biziago egin nahi baduzu, jauzi bat gaineratu diezaiokezu bermatzeko hankari.
Sentadillak zintzilik
Sentadillak zintzilik eginez, beheko treneko muskulu-talde zabala landuko dugu: ipurmasail nagusia, koadrizepsa, abduktorea, iskiotibialak eta femoralak, besteren artean. TRX sentadilla mota honekin, nabarmen indartuko zaizkigu hankak. Gainera, bi hankekin eginez hasi ahalko zara, bakarrarekin egin dezazun gero: horrela, ariketa biziagotuko duzu.
Kirolkluben, gure bi gimnasioetan egin ahalko duzu modalitate hau. Beraz, koordinazioa, indarra eta malgutasuna hobetu nahi badituzu, zatoz gure TRX-eskolak probatzera! Gure eskolak entrenamendu-maila guztietara egokitzen dira: zuk zeuk kontrolatuko duzu ariketa-errutinaren intentsitatea.
Hemen uzten dizuegu TRXn adibidea:
